يــــــــــــــــــــــــــوم الاحــــــــــــــــد

لي صاحبٍ ف الزين.. مامثله احد
يحميه رب الكون عن عين الحسود

ان مر زوله .. فز قلبي وارتعد
وان غاب عني.. بلّل الدمع الخدود

اهواه.. من قبل الطفوله بالمهد
واعشقه.. لين اصير في جوف اللحود

في جيته ..لاحت تباشير السعد
وفي روحته.. كني مودع لي وفود

وانا .. م شوفه غير في يوم الأحد
ياليت كل ايامنا تبقى..... أحود

عشان اشوفه كل يوم ..وللأبد
واحيا بشوفه واقطع اوهام الوعود

قال المثل ..من جد فالدنيا وجد
وانا وجدته .. امتخفي فالوجود

له نظرة الشيهان .. واقبالت فهد
اليا مشى.. تهتز له كل الحيود

شفايفه عناب.. وسنونه برد
والخشم سلت سيف.. وخدوده ورود

يالله.. انا طالبك يالفرد الصمد
تحفظ حبيبي عن نظر عين الحسود

ان مر زوله .. فز قلبي وارتعد
وان غاب عني.. بلّل الدمع الخدود



تشكر أخي على هذه الكلمات الرائعه
وسلمت يداك,,,