الشـعر بحـر يـحتاج مـركب وربـان كلماتي الجديده

الشـعر بحـر يـحتاج مـركب وربـان
حـاذق يـعـدي في غـياهيب يـمه
فـكـره مجـاديـفه سلاسـه وأتـقـان
وبير المشـاعر ماوقف عند جمه
وأنا شربته كـيف واتقنـت الاوزان
حد الضفاف اللي من الموج ضمه
عودت هاجوسي عمى الوقت أو زان
يـعزف مـواؤئله عـلى راس قـــــمه
ياما زرعته حـرف وحصدت بسـتان
وشرب الجـزابه من قرارها بو شمه
إحـساس فينـي أغلب الشـئ طربان
يسـكن مـعــاليقي ويـجري بـــدمـه
مـرات أحـيك الحرف عنوه ع شأن
أرضـي غـرور الـذات في جمع لمه
وأحيـان يـاتـيني إذا كـنت طـفـران
حتـى يبـــــدد عنـف ضيـقي وسـمه
لـدنـدنـت اشـواق فيـني لســـمحـان
وسـجت مـحامـيله بــــكيفـه و كـمه
وراســــي لبراد المـحابيب خـرمان
وفيني أكـحل من مـحاسـين ســـلمه
جاني يبت الضيم ويسوق ســـلوان
مـلان فـي درب المـواليــف عزمه
من ظفار العـز نحن صحبٍ وخلان
وعــفواً خوي طايف سيفه وفـمه
هذا أنا شـاعر مـحنـك وبـطـران
ويـحق لي مـادمـت خــاله وعــمه
ولي من سكت أرتاح نظنو رزمان
حشـــا ما يعييني القول ولي اظمه
والقول يشهدلي قصيدي م العنوان
تم قولي وعسا جوابي ما به مذمه

صح لسانك ياشاعرنا,,,


أتمنى لك التوفيق بأذن الله